Universiteti i Prishtinës nga sot ka një rektor të ri.

Me 6 vota për, rektor i UP-së është zgjedhur profesori Arben Hajrullahu ndërsa kanë qenë gjithsej 4 kandidatë që kanë aplikuar për këtë pozitë, shkruan Arbresh.info.

Kështu bëri të ditur Ministrja e Arsimit, Arbërie Nagavci e cila tha se i gjithë procesi i përzgjedhjes ka qenë transparent e i bazuar në meritokraci.

“Tashmë kemi arritur të krijojmë një praktikë që do të transformojë rrënjësisht mënyrën e zgjedhjes së Rektorit, mbarëvajtjen e punës dhe avancimin e performancës në Universitetin e Prishtinës. Mbështetja jonë për UP-në do të vazhdojë ngase ky institucion e meriton të shndërrohet në mjedis akademik ku mbizotëron cilësia intelektuale.”, ka shkruar ajo.

Tutje ajo ka falënderuar rektorin e  deritanishëm, Qerim Qerimi dhe ekipin e tj për punën dhe angazhimin e tyre.

“Falenderoj Këshillin Drejtues të UP-së për punën që e kanë bërë në gjithë këtë proces. Jam mirënjohëse për bashkëpunimin korrekt të tyre dhe të kolegëve tjerë për mbështetjen pa kushte në angazhimin tonë të përbashkët drejt integritetit akademik e rendit institucional në këtë institucion.”, shtoi ajo.

“Pres që rektori Hajrullahu të punojë pa kompromis për shkencën e universitetin. “, u shrpeh Nagavci.

“Universitetit të Prishtinës e rektorit të ri u dëshiroj punë të mbarë e suksese!”, tha mes të tjerash ministrja e Arsimit./Arbresh.info/